.png)
ერუდიტის ახალგაზრდული ბანაკი არ არის მხოლოდ გასართობი, ბანაკი
გასართობთან ერთად ატარებს შემეცნებით, სპორტულ, კულტურულ და სათავგადასავლო ხასიათს.
ბანაკის მონაწილეებს სრული დღის განმავლობაში ჩაუტარდებათ არაერთი გასართობი,
შემეცნებითი, სპორტული, კულტურული და სათავგადასავლო აქტივობები.
აქტივობების ჩატარების კონკრეტული დღეები წინასწარ არ არის გადანაწილებული,
რადგან აქტივობების შერჩევისას ძალიან დიდ როლს თამაშობს კლიმატი/ამინდი.
ყოველივე აღნიშნულიდან გამომდინარე წინასწარ შეუძლებელია განისაზღვროს
რომელ დღეს და რომელ ნაკადში რა აქტივობა იქნება. აღნიშნულს ბანაკის მონაწილეები, ლიდერები და ადმინისტრაციის თანამშრომლები ერთობლივად გადაწყვეტენ და მრავალი ალტერნატივიდან შეიმუშავებენ ყველასთვის სასურველ და გარემო ფაქტორებთან მიმართებით ოპტიმალურ ვერსიებს.
ბანაკის აქტივობები
(სხვა სეზონებისგან განსხვავებით შემოდგომის ბანაკი ტარდება ქობულეთში
პიკნიკი
ქობულეთში ზღვის ნაპირზე მოეწყობა პიკნიკი ბანაკის მონაწილეებისათვის.
ბავშვები კოცონთან საღამომდე გაჩერდებიან, მოყვებიან ლექსებს, იმღერებენ, დაუკრავე ნ გიტარას და გაიხსენებენ საინტერესო ისტორიებს…
ტური ბათუმში
ბანაკის მონაწილეები ესტუმრებიან ბათუმს, გაისეირნებენ ბათუმის ბულვარში და გადაიღებენ სხვადასხვა საინტერესო და სამახსოვრო ფოტოებს.
ტური ბათუმის ბოტანიკურ პარკში
ბანაკის მონაწილეები ესტუმრებიან ბათუმის ბოტანიკურ პარკს, გაეცნობიან ადგილზე წარმოდგენილ ფლორასა და ფაუნას, ასევე გადაიღებენ სხვადასხვა საინტერესო და სამახსოვრო ფოტოებს.
ტური შეკვეთილის დენდროლოგიურ პარკში
ბანაკის მონაწილეები ესტუმრებიან შეკვეთილის დენდროლოგიურ პარკს, გაეცნობიან ადგილზე წარმოდგენილ ფლორასა და ფაუნას, ასევე გადაიღებენ სხვადასხვა საინტერესო და სამახსოვრო ფოტოებს.
გემით გასეირნება
ბანაკის მონაწილეები ბათუმში ვიზიტისას გაისეირნებენ გემით, დაათვალიერებენ აჭარის ხედებს ზღვიდან და გადაიღებენ სხვადასხვა საინტერესო და სამახსოვრო ფოტოებს.
სამაშველო რგოლი
ფოტოზე ნაჩვენებია გასართობი აქტივობა „სამაშველო რგოლი“. ბანაკის მონაწილეებს დაურიგდებათ სამაშველო რგოლები, რომელიც შემდეგ სროლის მეშვეობით უნდა მიმართონ დასახმარებელი ობიექტებისკენ.
ბაგირის გადაძალვა
ფოტოზე ნაჩვენებია სპორტული აქტივობა „ბაგირის გადაძალვა“.
ბანაკის მონაწილეები იყოფიან გუნდებად, ერთი გუნდი დგება ბაგირის ერთ მხარეს, მეორე გუნდი ბაგირის მეორე მხარეს და ცდილობენ ბაგირის გადაძალვით მოწინააღმდეგე გუნდის დამარცხებას.
საველე ბოულინგი
ფოტოზე ნაჩვენებია სპორტული აქტივობა „საველე ბოულინგი“. სტანდარტული ბოულინგისგან განსხვავებით მონაწილეებს ხვდებათ განსხვავებული დაბრკოლებები და ხელის ნაცვლად ფეხით ცდილობენ მათ წაქცევას. ყოველივე ეს ხორციელდება საველე პირობებში.
წუწაობა
ფოტოზე ნაჩვენებია გასართობი აქტივობა „წუწაობა“
ბანაკის მოონაწილეები დაიყოფიან გუნდებად, თავდაპირველ ეტაპზე მოიმარაგებენ წყალს და საჭირო ინვენტარს. შემდეგ გუნდებს შორის გაიმართება ნამდვილი „სველი ომი“.
ქილების ავსება
ფოტოზე ნაჩვენებია გასართობი აქტივობა „ქილების ავსება“. მონაწილეები დაიყოფიან გუნდებად და შეეცდებიან A -დან B წერტილამდე თვალებ ახვეულმა წაიღონ სითხე და აავსონ შესაბამისი ჭურჭელი.
ამაზონი
ფოტოზე ნაჩვენებია გასართობი აქტივობა „ამაზონი“. ბანაკის მონაწილეებთან შედარებით 1-ით ნაკლები ფურცელი დაიდება იატაკზე, მონაწილეები სინქრონულად გადაადგილდებიან ფურცლებზე, ხოლო ბოლოში დარჩენილი ერთი ზედმეტი ფურცელი გადადის დასაწყისში.
ჯასთ დენსი
ფოტო ზე ნაჩვენებია გასართობ-კულტურული აქტივობა „ჯასთ დენსი“. ბანაკის მონაწილეები დაიყოფიან ჯგუფებად, რომლებიც სპეციალური კომპიუტერული მოწყობილობების დახმარებით ჩაერთვებიან საცეკვაო აქტივობაში.
დაიჭირე დონატი
ფოტოზე ნაჩვენებია გასართობი აქტივობა „დაიჭირე დონატი“. ბანაკის მონაწილეები ინდივიდუალურად შეასრულებენ დავალებას. გაჭიმულია საყრდენი ბაგირი, მასზე ჯვარედინად გადადებულია მეორე ბაგირი, რომლის ერთი ბოლოც მონაწილის ფეხზეა მიმაგრებული, ხოლო მეორე ბოლო დონატზე. მონაწილის ამოცანაა ფეხის მოძრაობით შეცვალოს დონატის მდებარეობა, პირით შეძლოს მისი დაჭერა და მირთმევა.
პიტერის ქსელები
ფოტოზე ნაჩვენებია გასართობი აქტივობა „პიტერის ქსელები“. მონაწილეები დაიყოფიან ჯგუფებად, მოეწყობა ქსელი, რომელშიც ჯგუფში არსებული მონაწილეების რაოდენობის შესაბამისი სექტორია. თითოეული სექტორი ერთმანეთისგან განსხვავებულია, ერთ სექტორში ორი მონაწილე ვერ გავა, ჯგუფმა სწორად უნდა დასახოს სტრატეგია, თუ რომელ სექტორში რომელი მონაწილე გავა, მისი სიმალღის, წონის დ ა.შ გათვალისწინებით.
მაშველი ნისლში
ფოტოზე ნაჩვენებია გასართობი აქტივობა „მაშველი ნისლში“. მონაწილეები გადანაწილდებიან ჯგუფებად (ჯგუფში 4 მონაწილე), თითოეულ მათგანს აეხვევა თვალი და ნაკარნახევი მიმართულებით უნდა შეძლონ სამაშველო რგოლი მიიტანონ საჭირო ადგილზე.
ფრენბურთი
ფოტოზე ნაჩვენებია სპორტული აქტივობა „ფრენბურთი“
მონაწილეები დაიყოფიან ჯგუფებად და გაიმართება შეჯიბრი ფრენბურთში, სტანდარტული ფრენბურთისგან განსხვავებით აქ მოედანზე არ იქნება თამაში ეს ყოველივე მოეწობა ზღვის ნაპირზე.
რა? სად? როდის?
ფოტოზე ნაჩვენებია შემეცნებითი აქტივობა „რა? სად? როდის?“.
ბანაკის მონაწილეების მიერ დაკომპლექტდება ჯგუფები, რომლებიც ერთმანეთს გუნდური ფორმატით გაუწევენ კონკურენციას ინტელექტუალურ თამაშში ,,რა? სად? როდის?’’.
მაფიოზობანა
ფოტოზე ნაჩვენებია გასართობ-შემეცნებითი აქტივობა „მაფიოზობანა“. ბანაკის მონაწილეების მიერ დაკომპლექტდება ჯგუფი, რომლის წევრებსაც გადაეცემათ კარტი, რითაც შეძლებენ გასართობ-შემეცნებითი აქტივობის „მაფიოზობანის“ ორგანიზებას.
კარაოკე
ფოტოზე ნაჩვენებია გასართობ-კულტურული აქტივობა „კარაოკე“.
ბანაკის მონაწილეებს დაურიგდებათ მიკროფონები და სპეციალური კომპიუტერული მოწყობილობების დახმარებით ჩაირთვება სხვადასხვა ცნობილი ქართული და არაქართული სიმღერები, რომლებსაც ბანაკის მონაწილეები უნდა აყვნენ კარაოკეს ფორმატში.
მეტეორების დაცემა
ფოტოზე ნაჩვენებია სპორტული აქტივობა „მეტეორის დაცემა“.
ბანაკის მონაწილეები შეეცდებიან წამოსული მეტეორი (ბურთი) მოიგერიონ ერთი მოძრაობით ისე, რომ მეტეორი დედამიწას არ დაეცეს. თუ მონაწილე მეტეორს ორჯერ შეეხება დაიწვება და გამოეთიშება თამაშს.