მაქვს სხვადასხვა ბანაკებში მრავალწლიანი გამოცდილება.
2008 წელს სპეციალურად “აგვისტოს ომთან” დაკავშირებით გორში მცხოვრები ახალგაზრდებისათვის სახელმწიფომ მოაწყო 10 დღიანი ახალგაზრდული ბანაკი.
ჩემი პირველი საბანაკო გამოცდილებაც სწორედაც, რომ აღნიშნულ 2008 წლის ბანაკით იწყება.
მას შემდეგ ყოველწლიურად და ზოგჯერ წელიწადში 5-6 ჯერ ვიღებდი მონაწილეობას სხვადასხვა სახის, როგორც სახელმწიფო, ასევე კერძო და საერთაშორისო ორგანიზაციების მიერ ორგანიზებულ ბანაკებში.

თითოეული ბანაკი არის დასამახსოვრებელი და ძალიან საინტერესო, მაგრამ მენეჯმენტის თვალით რომ შევხედოთ, თითოეულ ბანაკს აქვს თავისი დადებითი და უარყოფითი ფაზა.

ზოგიერთი ბანაკის პროგრამა მოიცავდა სასწავლო რესურსებს და ფაქტობრივად აქტიური დღის 80-90% ეთმობოდა მხოლოდ ლექციებს, სემინარებს და სხვა სასწავლო მასალებს რაც ჩემთვის,როგორც ბანაკის მონაწილისთვის, ნაწილობრ მოსაწყენიც კი იყო.

ზოგიერთი ბანაკი პირიქით იყო, მხოლოდ გასართობი აქტივობებით დატვირთული და რაიმე ტიპის საგანმანათლებლო-შემეცნებითი აქტივობები ფაქტობრივად არ ტარდებოდა.
დროს ვატარებდით მხიარულად, მაგრამ რაიმე ტიპის დამატებითი ცოდნა ბანაკიდან არ მოგვქონდა.

იყო ბანაკები, სადაც თითქოს ზემოხსენებული ორი ასპექტი ბალანსდებოდა, მაგრამ რეალურად ეს იყო მხოლოდ ფორმალური ნაწილი, ფაქტობრივ ნაწილში ვერ ხდებოდა საგანმანათლებლო-შემეცნებითი და სპორტულ-გასართობი ღონისძიებების/აქტივობების ერთ პროგრამაში ჰარმონიულად შერწყმა.

მრავალწლიანი გამოცდილების შემდეგ გადავწყვიტე, რომ თავად შემექმნა სივრცე და ორგანიზაცია, რომელიც უპასუხებდა იმ გამოწვევებს, რომლებსაც მე ვხვდებოდი სხვადასხვა ახალგაზრდულ პროექტებში და ბანაკებში.
დღეის მდგომარეობით, ასეთი სივრცე და ორგანიზაცია უკვე შევქმენით და მას “ერუდიტი” ეწოდება.
ძალიან მალე დავიმსახურეთ საზოგადოების მოწონება და რაც მთავარია, ჩვენს ბანაკებში მონაწილეების 95% არის კმაყოფილი.
“ერუდიტს” ბანაკებს უკვე აქვს 3 წლიანი ისტორია და ჩვენ ახალგაზრდებთან ერთად მუდმივად განვაგრძობთ ჩვენი სერვისების გაუმჯობესებას.